მთელი საქართველოს მასშტაბით ჩართული ჩვენი დებატების კლუბების სკოლის დირექტორებთან შეხვედრამ ყველანაირ მოლოდინს გადააჭარბა.
ასეთი წარმატებული და გულშემატკივარი სკოლების მაგალითებზე დავინახეთ, თუ როგორი დიდი მნიშვნელობა აქვს სკოლის ხელმძღვანელების, ადმინისტრაციისა და ზოგადად სკოლის ჩართულობას და მხარდაჭერას დებატების კლუბების და მთლიანობაში მომავალი თაობის განვითარებისთვის.
განსაკუთრებული მადლობა ჩვენს სტუმრებს
ჩვენი პირველი პირისპირ შეხვედრაც დებატების სკოლის კონკურსანტებთან შედგა და ღია კარის დღემაც წარმატებით ჩაიარა ილიას სახელმწიფო უნივერსიტეტში.
განსაკუთრებულად შთამბეჭდავი იყო ამდენი ახალი ნათელი, მოტივირებული და ანთებული სახის დანახვა, მათი მოლოდინების გაცნობა და ჩვენი დებატების სკოლის კურსადმთავრებულების შეფასებების მოსმენა.
გვიხარია, რომ მიუხედავად მრავალი წინაღობისა, იმ 15 მოსწავლის გაცნობა პირისპირ მაინც შევძელით, ვინც პირველი დარეგისტრირდა.
კონკურსის მონაწილეებს შეუძლიათ 5 ოქტომბრამდე შეავსონ რეგისტრაციის ფორმა და გაიარონ კონკურსი დებატების სკოლაში მოსახვედრად https://forms.gle/Nv1cwXhDVaqt7JKx5
6 ოქტომბერს 20:00 საათზე კი გაიმართება დებატების სკოლის ონლაინ პრეზენტაცია.
ადგილები ძალიან შეზღუდულია და წელს მხოლოდ 1 ჯგუფის გახსნა იქნება შესაძლებელი.
თბილისის დებატების სკოლა გაიხსნა ერთი წლის წინ პროექტის “დებატები უკეთესი განათლებისთვის” ფარგლებში, რომელიც მხარდაჭერილია გუდავაძე-პატარკაციშვილის ფონდის მიერ. პროექტი ხორციელდება საქართველოს განათლებისა და მეცნიერების სამინისტროსთან თანამშრომლობით.
გაიმართა დებატების ტურნირის საუკეთესო სპიკერების და ფინალისტების, ასევე პროექტში ჩართული წარმატებული სკოლების დაჯილდოების ცერემონიალი. ღონისძიება, რომელიც ჰიბრიდულ რეჟიმში გაიმართა, ჩატარდა გუდავაძე-პატარკაციშვილის ფონდის მიერ მხარდაჭერილი „საქართველოს დებატებისა და განათლების ინსტიტუტის“ (GIDE) პროექტის „დებატები უკეთესი განათლებისთვის“ ფარგლებში. სერიტიფიცირების ცერემონიალს დაესწრნენ და სტუმრებს სიტყვით მიმართეს:
ვულოცავთ ჩვენი პროექტის ყველა მონაწილეს მიღწეულ წარმატებას.
