დებატების სკოლის პირველმა პირისპირ შეხვედრამ წარუშლელი შთაბეჭდილება დატოვა ჩვენზე.
დარწმუნებული ვართ, რომ დებატების სკოლაში მოხვედრილი თითოეული კანდიდატთან მუშაობა, გასაუბრებისას გაჩენილ პოზიტიურ მოლოდინებს გადააჭარბებს.
თვე: ოქტომბერი 2021
მასწავლებლების სერტიფიცირება
ჩვენი პროექტის #დებატებიუკეთესიგანათლებისთვის ფარგლებში, მასწავლებელთა ტრენინგების დასკვნითმა ღონისძიებამ წარმატებით ჩაიარა.
ჰიბრიდულ რეჟიმში ჩატარებულ სერტიფიცირების ცერემონიალს ესწრებოდნენ მასწავლებლები კახეთიდან, იმერეთიდან, თბილისიდან, შიდა ქართლიდან, აჭარიდან, რაჭადან და ახლა უკვე, სამეგრელოდან, მცხეთა-მთიანეთიდან, ზემო აჭარიდან და სვანეთიდან.
მასწავლებლები, რომლებიც დიდი კონკურსის გზით შეირჩნენ, ტრენინგებზე დაეუფლნენ დებატებისა და კლუბის მართვის ტექნიკებს.
ღონისძიებაზე ასევე მოხდა პროექტის ფარგლებში ჩატარებული დებატების ზეგავლენის კვლევის შედეგების პრეზენტაცია.
დიდი მადლობა განსაკუთრებული აქტიურობისა და ჩართულობისათვის ჩვენს მოწვეულ სტუმრებს
Lali Kalandadze
Maka Beridze
დებატკლუბის პირისპირ გახსნა ბოდბეში
დებატკლუბი პირისპირ რეჟიმში ბოდბეშიც გაიხსნა.
მოხარულები ვართ, რომ შევძელით და მოვხვდით ისეთ სკოლაში, სადაც მასწავლებლის მოტივაცია და დაინტერესება მთებსაც კი გადადგამს.
რამდენიმე კლუბის პირისპირ გახსნა ჩვენი მთავარი მონაპოვარია ამ პანდემიის მძიმე პირობებში.
დებატკლუბის პირისპირ გახსნა ანაგაში
დებატკლუბების პირისპირ გახსნებიც აქტიურად გრძელდება.
მოხარულები ვართ, რომ ანაგაშიც ასეთი დაინტერესებული და მოტივირებული ახალგაზრდები შეგვხვდნენ.
განსაკუთრებული აღნიშვნის ღირსია მოსწავლეების მოწესრიგებული და მონდომებული დახვედრა, როცა ასეთ რთულ დღეებში, გაკვეთილების დასრულების შემდეგ, რამდენიმე საათი ელოდებოდნენ ჩვენთან შეხვედრას, სხვა სკოლებში ჩვენი შეყოვნების გამო.
დებატკლუბის პირისპირ გახსნა ილიაწმინდაში
პროექტის “დებატები უკეთესი განათლებისთვის” ფარგლებში დებატების კლუბების პირისპირ გახსნაც წარმატებით დავიწყეთ.
გვიხარია, რომ ასეთი მოტივირებული და დაინტერესებული სკოლები გავიცანით, სადაც ბავშვების ჩართულობა დებატების კლუბში უკვე იმდენად მაღალია, რომ საკუთარი ხელით დამზადებული ჩვენი პროექტის პოსტერიც კი დაგვახვედრეს.
პირველ შეხვედრაზე მოსწავლეების აქტიურობამაც, კითხვა-პასუხის რეჟიმში, წარუშლელი შთაბეჭდილება მოახდინა ჩვენზე.
საწრეო მუშაობა ჭიათურაში
ჭიათურის მუნიციპალიტეტშიც მოგვეცა უნიკალური შესაძლებლობა პირისპირ გაგვეგრძელებინა საწრეო მუშაობა სხვადასხვა სკოლის მოსწავლეებთან.
განსაკუთრებულად შთამბეჭდავი იყო ასეთი გასაოცარი, დაინტერესებული ახალგაზრდების ადგილზე მონახულება ჭიათურის სხვადასხვა სოფელსა და ქალაქში.
მოხარულები ვართ, რომ ჩვენმა სუპერვიზირებამ ადგილობირვ სპეციალისტებთან ასე წარმატებულად ჩაიარა.
სიღნაღში ახალი პროექტი დაიწყო
სიღნაღის მუნიციპალიტეტში დებატებისთვის სამზადისი აქტიურად დაიწყო.
ბოდბისხევში და წნორში ძალიან საინტერესო და მოტივირებული ახალგაზრდები გავიცანით.