წარმატებულად ჩატარდა მასშტაბური საჯარო დებატი პროექტის “დებატები უკეთესი პროფესიული განათლებისთვის” ფარგლებში, რომელშიც მონაწილეობა მიიღეს ჩვენი დებატების სკოლის მოსწავლეებმა.
ღონისძიებას ესწრებოდნენ პროფესიული სასწავლებლების დებატების კლუბის მონაწილე სტუდენტები, პედაგოგები, თბილისის დებატების სკოლების მოსწავლეები და სტუდენტები, ჩვენი დებატების სხვადასხვა კლუბის წევრები და პროექტის “ახალგაზრდობის ხმა” მონაწილეები.
პროექტის “ახალგაზრდები რეგიონული განვითარებისთვის” ფარგლებში აქტიურად მიმდინარეობს საინფორმაციო შეხვედრები.
უკვე ასეულობით ვიდეორგოლია ახალგაზრდების მიერ გამოგზავნილი, რომლებიც საკუთარ მოსაზრებებს გვიზიარებენ გარემოს დაცვასა და მდგრადი განვითარების შესახებ.
პროექტი ხორციელდება სახელმწიფო გრანტის ფარგლებში სსიპ – სახელმწიფო გრანტის მართვის სააგენტოს მხარდაჭერით.
წარმატებულად ჩატარდა დებატების მასწავლებელთა პირველი ეროვნული კონფერენცია პროექტის “დებატები უკეთესი პროფესიული განათლებისთვის” ფარგლებში.
ღონისძიებაში მონაწილეობა მიიღეს და მასწავლებლები დააჯილდოვეს საქართველოს განათლების, მეცნიერებისა და ახალგაზრდობის სამინისტროს მინისტრის მოადგილემ, ბაია კვიციანმა და გუდავაძე-პატარკაციშვილის ფონდის დირექტორმა, ზურაბ კერვალიშვილმა.
პროფესიული სასწავლებლების პედაგოგებს დებატების კლუბის გამოცდილმა ხელმძღვანელებმა და პედაგოგებმა საკუთარი გამოცდილება და მიღწეული შედეგები პრეზენტაციის სახით გაუზიარეს. მომხსენებლებმა განიხილეს დებატების ტექნიკისა და შესაბამისი საგანმანათლებლო პროგრამების დანერგვის მნიშვნელობა, ასევე მათი როლი სწავლების ხარისხის გაუმჯობესებასა და ახალგაზრდების პროფესიულ განვითარებაში.
კონფერენციას ესწრებოდნენ სხვადასხვა მუნიციპალიტეტის პედაგოგები, სკოლების, პროფესიული სასწავლებლების დირექტორები და რესურსცენტრების ხელმძღვანელები.
პროექტის “ახალგაზრდები რეგიონული განვითარებისთვის” მხარდამჭერთა ქსელის მუშაობის ფარგლებში გაიმართა შეხვედრები სხვადასხვა მუნიციპალიტეტის აქტიურ წარმომადგენლებთან – მერიებთან და რესურსცენტრების ხელმძღვანელებთან.
პროექტი ხორციელდება სახელმწიფო გრანტის ფარგლებში სსიპ – სახელმწიფო გრანტის მართვის სააგენტოს მხარდაჭერით.
დებატების სკოლის მოსწავლეების მშობლების აქტიური ჩართულობითა და მაღალი დაინტერესებით ჩატარდა საგანგებო ლექცია ფსიქოლოგ თინათინ ცერცვაძის მიერ თემაზე “თანამედროვე მშობლის გამოწვევები”.
პროექტის “არაფორმალური განათლების ქსელი საქართველოში” ფარგლებში წარმატებულად ჩატარდა გასვლითი ტრენინგები შერჩეული ახალგაზრდა ლიდერებისთვის.
პროექტი მხარდაჭერილია ახალგაზრდობის სააგენტოს მიერ, 2026 წლის საგრანტო კონკურსის “ახალგაზრდული ორგანიზაციების გაძლიერება” ფარგლებში.
ამ სასწავლო წელს დებატების სკოლის მოსწავლეების არაერთმა ნაკადმა წარმატებულად დაასრულა პროგრამა.
საერთაშორისო სერტიფიკატები, თასები და მიღწევები მხოლოდ დასაწყისია. მთავარი ის უნარებია, რომლებსაც ჩვენი მოსწავლეები თითოეულ შეხვედრაზე ივითარებენ: კრიტიკული და ანალიტიკური აზროვნება, თავდაჯერებული საჯარო გამოსვლა, არგუმენტირებული მსჯელობა და ეფექტური გუნდური მუშაობა, ლიდერული, კომუნიკაციისა და გადაწყვეტილების მიღების უნარები.
დებატებისა და განათლების ინსტიტუტის დირექტორმა, ფსიქოლოგმა თინათინ ცერცვაძემ ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის კონფლიქტოლოგიის მიმართულებით, უმაღლესი შეფასებით დაიცვა სადოქტორო დისერტაცია თემაზე: „„მე“-ს ხატის ცვლილება დებატების სწავლების გზით.“
მრავალი წელია, დებატებისა და განათლების ინსტიტუტი ავითარებს საქართველოში შექმნილ და ქვეყნის რეალობაზე მორგებულ დებატების საგანმანათლებლო პროგრამას, რომელშიც ასეულობით მოსწავლე, სტუდენტი და მასწავლებელია ჩართული. თინათინ ცერცვაძის სადოქტორო კვლევა სხვადასხვა ეტაპზე მიმდინარეობდა შოთა რუსთაველის ეროვნული სამეცნიერო ფონდისა და Erasmus+-ის მხარდაჭერით, ფრანკფურტის გოეთეს სახელობის უნივერსიტეტსა და ლაიფციგის უნივერსიტეტში მისი აკადემიური საქმიანობის პერიოდში. სადოქტორო კვლევა განხორციელდა პროფესორ გუგული მაღრაძის სამეცნიერო ხელმძღვანელობით. მისი დასკვნითი ეტაპის შესრულება კი შესაძლებელი გახდა გუდავაძე-პატარკაციშვილის ფონდის მხარდაჭერით, ხოლო კვლევა განხორციელდა საქართველოს განათლების, მეცნიერებისა და ახალგაზრდობის სამინისტროსთან მრავალწლიანი თანამშრომლობის ფარგლებში. სწორედ ამ პრაქტიკის, საერთაშორისო აკადემიური გამოცდილებისა და კვლევის საფუძველზე მეცნიერულად დადასტურდა დებატებისა და განათლების ინსტიტუტის მიერ შექმნილი, ფორმალურ დებატებზე დაფუძნებული საგანმანათლებლო პროგრამის პოზიტიური გავლენა პიროვნულ განვითარებაზე.
კვლევის შედეგებმა მაღალი შეფასება დაიმსახურა ქართველი და უცხოელი რეცენზენტების, სადისერტაციო კომისიის, სამეცნიერო ხელმძღვანელისა და აკადემიური საზოგადოების მხრიდან. ეს შეფასებები მნიშვნელოვანი საფუძველია კვლევის შედეგების საერთაშორისო სამეცნიერო პუბლიკაციებად განვითარებისა და აკადემიურ სივრცეში მათი ფართო გაზიარებისთვის, რისი განხორციელებაც უკვე დაწყებულია.
დისერტაციის დაცვაში აკადემიურ საზოგადოებასთან ერთად მონაწილეობდნენ აღმასრულებელი ხელისუფლების წარმომადგენლებიც, რომელთა ჩართულობამ და შეფასებამ კიდევ ერთხელ დაადასტურა კვლევის შედეგების მნიშვნელობა განათლების სისტემისთვის.
ეს მნიშვნელოვანი ნაბიჯია არა მხოლოდ ჩვენი ინსტიტუტისთვის, არამედ საქართველოსთვისაც. დებატებისა და განათლების ინსტიტუტის მიერ შექმნილი პროგრამა დღეს უკვე მეცნიერულად დასაბუთებულ საფუძველს ეყრდნობა და განსაკუთრებულ ინტერესს იწვევს საერთაშორისო საგანმანათლებლო და დებატების პროფესიულ საზოგადოებაში. ამის დასტურია ჩვენი მოდელის გაზიარება ევროპის სხვადასხვა ქვეყანაში, საერთაშორისო პარტნიორების ხშირი სტუმრობა საქართველოში ჩვენი გამოცდილების გასაცნობად, ასევე დებატებისა და განათლების ინსტიტუტის პრაქტიკისადმი მზარდი ინტერესი და მისი ელემენტების სხვადასხვა ქვეყნის საგანმანათლებლო გარემოში დანერგვის სურვილი.
იქ, სადაც პრაქტიკას მეცნიერება ადასტურებს, იბადება სტანდარტი. სწორედ ასეთი სტანდარტების შექმნას ემსახურება დებატებისა და განათლების ინსტიტუტი.
პროექტის „არაფორმალური განათლების ქსელი საქართველოში“ ფარგლებში, წარმატებულად გაიხსნა თემატური კლუბები გურჯაანის, თბილისის, ონის, კასპის, სიღნაღის, საგარეჯოს, გორის, მცხეთის, დედოფლისწყაროსა და ხაშურის მუნიციპალიტეტებში.
კლუბებს საგანგებოდ გადამზადებული ახალგაზრდა ლიდერები უხელმძღვანელებენ.
პროექტი მხარდაჭერილია ახალგაზრდობის სააგენტოს მიერ, 2026 წლის საგრანტო კონკურსის “ახალგაზრდული ორგანიზაციების გაძლიერება” ფარგლებში.
წარმატებულად ჩატარდა სტუდენტების დებატების სკოლის შემაჯამებელი შეხვედრა. ჩვენს მოტივირებულ და აქტიურ სტუდენტებს სწავლების ბოლოს სერტიფიკატები გადაეცათ.
სტუდენტების დებატების სკოლაში მიღება მომავალი სასწავლო წლიდან კვლავ განახლდება.
სტუდენტების დებატების სკოლა ფუნქციონირებს პროექტის „დებატები უკეთესი განათლებისთვის“ ფარგლებში.
