ახალგაზრდობის რეგიონული ცენტრის მხარდაჭერით ჩატარდა დებატების ბანაკი ბორჯომში.
დებატების ბანაკში მონაწილეობას იღებდნენ აჭარელი მოსწავლეები და სტუდენტები, რომლებიც შეირჩნენ კონკურსისა და სამოტივაციო წერილების მეშვეობით.
ბანაკის ფარგლებში აჭარელ ახალგაზრდებს ჩაუტარდათ ინტენსიური ტრენინგები დებატების ტექნიკაში, რის შედეგადაც ჩატარდა დებატების ტურნირი ორივე ნაკადზე, როგორც მოსწავლეებისთვის, ასევე სტუდენტებისთვის.
საგანმანათლებლო დებატების საერთაშორისო აკადემიაში, რომელსაც ორგანიზებას „საგანმანათლებლო დებატების საერთაშორისო ასოციაცია (IDEA)“ უწევს და რომელიც წელს პირველად ონლაინფორმატში გაიმართა, ქართველმა მოდებატეებმა ხუთიდან ოთხ თამაშში დამაჯერებლად გაიმარჯვეს და აკადემიის ხუთ საუკეთესო გუნდს შორის მოხვდნენ.
დებატების მასშტაბურ ფორუმში, რომელიც წელს უკვე ოცდამეათედ გაიმართა, ოცზე მეტი ქვეყნის ორასზე მეტი მოსწავლე და ორმოცდაათამდე დებატების წარმატებული მასწავლებელი და ტრენერი იღებდა მონაწილეობას აშშ-იდან, დიდი ბრიტანეთიდან, სინგაპურიდან, ევროპისა და მსოფლიოს სხვა ქვეყნებიდან. დებატების საერთაშორისო აკადემია ინგლისურ ენაზე მიმდინარეობდა.
დებატების საერთაშორისო ფორუმში საქართველოდან 5 საუკეთესო მოდებატე ჩაერთო, პროექტ „დებატები უკეთესი განათლებისთვის“ ფარგლებში, რომელიც – გუდავაძე-პატარკაციშვილის ფონდის – მხარდაჭერით ხორციელდება. პროექტის მონაწილე მოსწავლეებმა სიტყვით გამოსვლის ონლაინკონკურსის ტოპ ოცეულში მოხვედრის შემდეგ რამდენიმე ეტაპიანი კონკურსი გაიარეს დებატების საერთაშორისო აკადემიაში მონაწილეობის მისაღებად. საბოლოოდ კი შეირჩა 5 საუკეთესო მოდებატე თბილისის და კახეთის სკოლებიდან, რომლებმაც მიიღეს მონაწილეობა დებატების საერთაშორისო აკადემიაში.
📌დავით სონღულაშვილი – საქართველოს პარლამენტის ევროპასთან ინტეგრაციის კომიტეტის თვამჯდომარე
📌ღასან ხალილი – გაეროს ბავშვთა ფონდის წამომადგენელი საქართველოში
📌ეკა დგებუაძე – საქართველოს განათლების, მეცნიერების, კულტურისა და სპორტის მინისტრის მოადგილე
📌მაკა ბერიძე – სამცხე-ჯავახეთის სახელმწიფო უნივერსიტეტის რექტორი
📌ზურაბ კერვალიშვილი – გუდავაძე-პატარკაციშვილის ფონდის დირექტორი
📌კობა ლურსმანაშვილი – ხარაგულისა და ბაღდათის მაჟორიტარი დეპუტატი
📌მარინე ვეფხვაძე – ხარაგაულის საგანმანათლებლო რესურსცენტრის ხელმძღვანელი
📌გურჯაანის მუნიციპალიტეტის რესურსცენტრის ხელმძღვანელი, დალი მინდიაშვილი
📌პროექტში ჩართული სკოლების დირექტორები, მასწავლებლები, მოსწავლეები და სტუდენტები
“ასოცირების 6 წელი საქართველოსთვის” კამპანიის ფარგლებში ჩატარებული საჯარო დებატების კვირეული დასრულდა!
ორთვიანი კამპანია განხორციელდა ნატო-ევროკავშირის საინფორმაციო ცენტრთან ერთად, ევროკავშირის მიერ დაფინანსებული „ევროკავშირ-საქართველოს შორის ასოცირების შესახებ შეთანხმების განხორციელების მხარდაჭერა – II“-ის და კონრად ადენაუერის ფონდის მხარდაჭერით და ევროპასთან ინტეგრაციის კომიტეტის ინიციატივით.
მოდებატეებმა 2-თვიანი ინტენსიური მომზადება გაიარეს. ისინი აჭარის, იმერეთის, შიდა ქართლის, თბილისის და კახეთის დებატკლუბებს წარმოადგენენ! მომზადების შემდეგ კამპანიის ფარგლებში 6 ონლაინ საჯარო დებატი ჩატარდა!
ონლაინკონკურსში მთელი საქართველოდან 222 მოსწავლე ჩაერთო, რომელთაგან თითოეული დისტანციური დებატების კლუბის სისტემატიურ მეცადინეობებს ესწრებოდა მთელი სემესტრის განმავლობაში.
ყველა იმ მონაწილეს, რომელმაც დააკმაყოფილა ძირითადი მოთხოვნები, გადაეცა სერტიფიკატი, ხოლო ყველა სერტიფიცირებულს მიეცა შესაძლებლობა გაიაროს ზაფხულში სპეციალური მოსამზადებელი ტრენინგი დებატების ნაციონალური ტურნირისათვის.
ტოპ ოცეულში, რომელიც ორ საუკეთესო ათეულად შეირჩა, მოხვდნენ როგორც გამოცდილი, ასევე გამოუცდელი მოსწავლეები. ისინი გარდა ფასიანი საჩუქრებისა და წინასწარ შეთანხმებული მოწვევებისა, დაჯილდოვდნენ ყველაზე მნიშვნელოვანი პრიზით; მათ ეძლევათ შანსი გაიარონ კონკურსი საერთაშორისო დებატების საზაფხულო აკადემიაში მოსახვედრად.
დაიწყო საქართველოს დებატებისა და განათლების ინსტიტუტის და გაეროს ბავშვთა ფონდის ერთობლივი პროექტი, რომელიც გულისხმობს ონლაინპლატფორმის არსებობას Facebook ჯგუფის სახით, სახელწოდებით “დებატები განათლებისთვის”. ჯგუფში გაწევრიანება და პროექტის ფარგლებში დაგეგმილ და განხორციელებულ საინტერესო და სახალისო აქტივობებში, მათ შორის ონლაინ დებატებში, ჩართვა შეუძლიათ ახალგაზრდებს მთელი საქართველოს მასშტაბით.
პროექტის მიზანია ხელი შეუწყოს ახალგაზრდებს შორის ინტერაქციას და შესაძლებლობა მისცეს მათ, ერთმანეთს გაუზიარონ თავიანთი მოსაზრებები COVID-19-თან დაკავშირებით.
2 თვის განმავლობაში გაიმართება 3 ონლაინ დებატი, 3 ვებინარი, სახალისო ქვიზები, ფოტო/ვიდეო კონკურსები. გარდა ამისა, პროექტის მიმდინარეობისას მოსწავლეები განიხილავენ სხვადასხვა ფილმებს. ზემოთხსენებული აქტივობები ძირითადად მიეძღვენება COVID-19-ის თემატიკის განხილვას.
პროექტის ძირითადი წევრები იქნებიან წარმომადგენლები იმ დებატკლუბებისა, რომლებიც შეიქმნა გუდავაძე-პატარკაციშვილის ფონდის მხარდაჭერით განხორციელებული პროექტის ,,დებატები უკეთესი განათლებისთვის” ფარგლებში 2020 წელს.
პროექტი თანხვედრაშია ზოგადი განათლების ეროვნულ მიზნებთან და ეფუძნება პიროვნების განვითარებაზე ორიენტირებულ კონსტრუქციულ საგანმანათლებლო კონცეფციას და განსაზღვრავს იმ ხუთ ძირითად საგანმანათლებლო პრიცნიპს, რომელიც უნდა ეფუძნებოდეს სწავლა-სწავლების პროცესს.
„საქართველოს დებატებისა და განათლების ინსტიტუტი“ (GIDE) იწყებს პროექტის “დებატები უკეთესი განათლებისთვის” მოდიფიკაციას, პანდემიის არსებული სიტუაციიდან გამომდინარე ონლაინპროექტის სახით. ის ითვალისწინებს სიტყვით გამოსვლების კონკურსს საგანმანათლებლო დებატკლუბების წევრი მოსწავლეებისთვის ქვეყნის ყველა რეგიონიდან. პროექტი ხორციელდება „გუდავაძე-პატარკაციშვილის ფონდის“ მხარდაჭერით და მის მიზანს წარმოადგენს ერთის მხრივ, კრიტიკული აზროვნებისა და სიტყვით გამოსვლების უნარის განვითარებას მოზარდებში, ხოლო მეორეს მხრივ საგანმანათლებლო პროცესის გაგრძელებას თანამედროვე საკომუნიკაციო ან ინტერნეტსაშუალებების გამოყენებით.
ჩვენ ყველაფერს ვაკეთებთ, რათა არ გავჩერდეთ და არ შევწყვიტოთ საგანმნათლებლო აქტივობები, სწორედ ამიტომ ის რაც გვინდოდა ცოცხალი კონტაქტებით განხორციელებულიყო, ახლა დისტანციურად, ონლაინ გთავაზობთ!
GIDE-ის მიერ ორგანიზებულ ონლაინკონკურსში შეუძლია მონაწილეობა მიიღონ 14-17 წლის ასაკის სკოლის მოსწავლეებმა, ვინც არიან სასკოლო ან სხვა ტიპის დებატკლუბის წევრები და რომლებიც წარმოადგენენ დებატკლუბის ხელმძღვანელის სპეციალურ სარეკომენდაციო წერილს.
სიტყვით გამოსვლის ონლაინკონკურსში მონაწილეობის მსურველმა, უნდა ჩაწეროს 4-წუთიანი ვიდეორგოლი, რომელშიც უნდა იყოს ასახული სიტყვით გამოსვლა, სადაც იქნება მოყვანილი მოსწავლის პოზიცია და არგუმენტაცია შემდეგ თემებიდან (რეზოლუციებიდან) ერთ-ერთთან კავშირში:
მსურველებმა ვიდეორგოლები და სარეკომენდაციო წერილები 31 მაისამდე უნდა გამოაგზავნოთ შემდეგ მისამართზე gedebate@gmail.com, ან მოგვწეროთ ჩვენს Facebook გვერდზე https://www.facebook.com/DebatesGeorgia/
კონკურსის შედეგად გამოვლინდება 5 გამარჯვებული, რომელიც მიიღებს შემდეგი სახის პრიზებსა და საჩუქრებს:
I ადგილი · პლანშეტი · დებატების ნაციონალურ ტურნირზე უკონკურსოდ მონაწილეობა
· შესაბამისი სერტიფიკატი
II ადგილი · ელ. წიგნი (kindle) · დებატების ნაციონალურ ტურნირზე უკონკურსოდ მონაწილეობა
· შესაბამისი სერტიფიკატი
III ადგილი · პორტატული დინამიკი · დებატების ნაციონალურ ტურნირზე უკონკურსოდ მონაწილეობა
· შესაბამისი სერტიფიკატი
IV ადგილი · გარე დამტენი (powerbank) · ქვიშის წამზომი
· შესაბამისი სერტიფიკატი
V ადგილი · ყურსასმენი · შესაბამისი სერტიფიკატი
სოფო ვეფხვაძე
599733306
sopo.vepkhvadze@gmail.com
პროექტის “დებატები უკეთესი განათლებისთვის” ფარგლებში, რომელიც გუდავაძე-პატარკაციშვილის ფონდის მხარდაჭერით ხორციელდება, მასწავლებელთა პირველი ტრენინგის დასკვნითი ღონისძიება გაიმართა.
ოთხ დღიანი ტრენინგის განმავლობაში მასწავლებლები კახეთის, იმერეთის, შიდა ქართლის რეგიონების და თბილისის საჯარო სკოლებიდან დაეუფლნენ დებატების ტექნიკას, დებატების კლუბების შექმნისა და შემდგომში მათი მართვის შესაძლებლობებს. როგორც პროექტის ხელმძღვანელმა თინათინ ცერცვაძემ განაცხადა, ტრენინგში მონაწილეობის მსურველთა რაოდენობა საკმაოდ დიდი იყო, ამიტომ მათი შერჩევა ორ ეტაპად კონკურსის მეშვეობით მოხდა. მისივე თქმით, ყველა დაინტერესებულ პედაგოგს ტრენინგში მონაწილეობა პროექტის მომდევნო ეტაპებზე შეეძლება.
ტრენინგის შემდეგ მასწავლებლები სპეციალური სერტიფიკატებით დაჯილდოვდნენ. საზეიმო ღონისძიებას, რომელიც “ნატოსა და ევროკავშირის საინფორმაციო ცენტრში” გაიმართა, საქართველოს განათლების, მეცნიერების, კულტურისა და სპორტის სამინისტროს ზოგადი განათლების მართვისა და განვითარების დეპარტამენტის უფროსი – ლალი კალანდაძე, საქართველოს პარლამენტის ევროპასთან ინტეგრაციის კომიტეტის თავმჯდომარე – დავით სონღულაშვილი, გუდავაძე-პატარაკაციშვილის ფონდის დირექტორი – ზურაბ კერვალიშვილი, პროექტის პარტნიორები, მხარდამჭერები, პროექტში მონაწილე სკოლების დირექტორები და რესურსცენტრების ხელმძღვანელები ესწრებოდნენ.
პროექტის დებატები უკეთესი განათლებისთვის აქტივობამ – დებატები მუზეუმებში – სტარტი ხელნაწერთა ეროვნული ცენტრში აიღო, სადაც მოხდა დებატების საერთაშორისო ტურნირის მონაწილეების გამოვლენა.
2019 წლის 23 დეკემბერს ილიას სახელმწიფო უნივერსიტეტის დებატების კლუბის ინიციატივით გაიმართა საჯარო ლექცია. ლექციაზე მოწვეული სტუმარი იყო გაეროში საქართველოს ახალგაზრდობის წარმომადგენელი – ესმა გუმბერიძე.
საჯარო ლექციის თემა იყო: “ახალგაზრდების ძალა გაეროში”.
მოწვეულმა სპიკერმა დამსწრე აუდიტორიას გააცნო გაეროში ახალგაზრდობის წარმომადგენელის მისია და მიზანი და თუ როგორ უნდა მიიღონ მონაწილეობა სტუდენტებმა მსგავს პროექტებში. შეხვედრა კითხვა-პასუხის რეჟიმში წარიმართა.
