სიახლეები

გვიხარია, რომ დებატების ტექნიკის სწავლება უკვე ხელმისაწვდომი გახდა ისეთ მაღალმთიან მხარეშიც, როგორიც სვანეთია. კიდევ უფრო საამაყოა, რომ მესტიის დებატკლუბის ხელმძღვანელი ჯერ კიდევ უნივერსიტეტში ეუფლებოდა ჩვენს სასწავლო კურსს სტუდენტობისას. #დებატებიუკეთესიგანათლებისთვის Gudavadze Patarkatsishvili Foundation.

მთელი საქართველოს მასშტაბით ჩართული ჩვენი დებატების კლუბების სკოლის დირექტორებთან შეხვედრამ ყველანაირ მოლოდინს გადააჭარბა. ასეთი წარმატებული და გულშემატკივარი სკოლების მაგალითებზე დავინახეთ, თუ როგორი დიდი მნიშვნელობა აქვს სკოლის ხელმძღვანელების, ადმინისტრაციისა და ზოგადად სკოლის ჩართულობას და მხარდაჭერას დებატების კლუბების და მთლიანობაში მომავალი თაობის განვითარებისთვის. განსაკუთრებული მადლობა ჩვენს სტუმრებს დავით სონღულაშვილი / David Songulashvili დალი მინდიაშვილი #დებატებიუკეთესიგანათლებისთვის #DebatesforBetterEducation Gudavadze […].

დებატების სკოლის პირველმა პირისპირ შეხვედრამ წარუშლელი შთაბეჭდილება დატოვა ჩვენზე. დარწმუნებული ვართ, რომ დებატების სკოლაში მოხვედრილი თითოეული კანდიდატთან მუშაობა, გასაუბრებისას გაჩენილ პოზიტიურ მოლოდინებს გადააჭარბებს. #დებატებიუკეთესიგანათლებისთვის #DebatesforBetterEducation Gudavadze Patarkatsishvili Foundation Ministry of Education and Science of Georgia ილიას სახელმწიფო უნივერსიტეტი • Ilia State University.

ჩვენი პროექტის #დებატებიუკეთესიგანათლებისთვის ფარგლებში, მასწავლებელთა ტრენინგების დასკვნითმა ღონისძიებამ წარმატებით ჩაიარა. ჰიბრიდულ რეჟიმში ჩატარებულ სერტიფიცირების ცერემონიალს ესწრებოდნენ მასწავლებლები კახეთიდან, იმერეთიდან, თბილისიდან, შიდა ქართლიდან, აჭარიდან, რაჭადან და ახლა უკვე, სამეგრელოდან, მცხეთა-მთიანეთიდან, ზემო აჭარიდან და სვანეთიდან. მასწავლებლები, რომლებიც დიდი კონკურსის გზით შეირჩნენ, ტრენინგებზე დაეუფლნენ დებატებისა და კლუბის მართვის ტექნიკებს. ღონისძიებაზე ასევე მოხდა პროექტის ფარგლებში ჩატარებული დებატების ზეგავლენის კვლევის […].

დებატკლუბი პირისპირ რეჟიმში ბოდბეშიც გაიხსნა. მოხარულები ვართ, რომ შევძელით და მოვხვდით ისეთ სკოლაში, სადაც მასწავლებლის მოტივაცია და დაინტერესება მთებსაც კი გადადგამს. რამდენიმე კლუბის პირისპირ გახსნა ჩვენი მთავარი მონაპოვარია ამ პანდემიის მძიმე პირობებში..

დებატკლუბების პირისპირ გახსნებიც აქტიურად გრძელდება. მოხარულები ვართ, რომ ანაგაშიც ასეთი დაინტერესებული და მოტივირებული ახალგაზრდები შეგვხვდნენ. განსაკუთრებული აღნიშვნის ღირსია მოსწავლეების მოწესრიგებული და მონდომებული დახვედრა, როცა ასეთ რთულ დღეებში, გაკვეთილების დასრულების შემდეგ, რამდენიმე საათი ელოდებოდნენ ჩვენთან შეხვედრას, სხვა სკოლებში ჩვენი შეყოვნების გამო..

პროექტის “დებატები უკეთესი განათლებისთვის” ფარგლებში დებატების კლუბების პირისპირ გახსნაც წარმატებით დავიწყეთ. გვიხარია, რომ ასეთი მოტივირებული და დაინტერესებული სკოლები გავიცანით, სადაც ბავშვების ჩართულობა დებატების კლუბში უკვე იმდენად მაღალია, რომ საკუთარი ხელით დამზადებული ჩვენი პროექტის პოსტერიც კი დაგვახვედრეს. პირველ შეხვედრაზე მოსწავლეების აქტიურობამაც, კითხვა-პასუხის რეჟიმში, წარუშლელი შთაბეჭდილება მოახდინა ჩვენზე..

ჭიათურის მუნიციპალიტეტშიც მოგვეცა უნიკალური შესაძლებლობა პირისპირ გაგვეგრძელებინა საწრეო მუშაობა სხვადასხვა სკოლის მოსწავლეებთან. განსაკუთრებულად შთამბეჭდავი იყო ასეთი გასაოცარი, დაინტერესებული ახალგაზრდების ადგილზე მონახულება ჭიათურის სხვადასხვა სოფელსა და ქალაქში. მოხარულები ვართ, რომ ჩვენმა სუპერვიზირებამ ადგილობირვ სპეციალისტებთან ასე წარმატებულად ჩაიარა. საქართველოს განათლებისა და მეცნიერების სამინისტრო .

სიღნაღის მუნიციპალიტეტში დებატებისთვის სამზადისი აქტიურად დაიწყო. ბოდბისხევში და წნორში ძალიან საინტერესო და მოტივირებული ახალგაზრდები გავიცანით..

ჩვენი პირველი პირისპირ შეხვედრაც დებატების სკოლის კონკურსანტებთან შედგა და ღია კარის დღემაც წარმატებით ჩაიარა ილიას სახელმწიფო უნივერსიტეტში. განსაკუთრებულად შთამბეჭდავი იყო ამდენი ახალი ნათელი, მოტივირებული და ანთებული სახის დანახვა, მათი მოლოდინების გაცნობა და ჩვენი დებატების სკოლის კურსადმთავრებულების შეფასებების მოსმენა. გვიხარია, რომ მიუხედავად მრავალი წინაღობისა, იმ 15 მოსწავლის გაცნობა პირისპირ მაინც შევძელით, ვინც პირველი დარეგისტრირდა. კონკურსის მონაწილეებს […].

გაიმართა დებატების ტურნირის  საუკეთესო  სპიკერების  და  ფინალისტების,  ასევე პროექტში ჩართული წარმატებული  სკოლების დაჯილდოების  ცერემონიალი.  ღონისძიება, რომელიც ჰიბრიდულ რეჟიმში გაიმართა, ჩატარდა  გუდავაძე-პატარკაციშვილის   ფონდის  მიერ  მხარდაჭერილი „საქართველოს დებატებისა და განათლების ინსტიტუტის“ (GIDE)  პროექტის  „დებატები უკეთესი განათლებისთვის“ ფარგლებში.  სერიტიფიცირების  ცერემონიალს  დაესწრნენ  და სტუმრებს სიტყვით მიმართეს: ეკატერინე  დგებუაძე   –  საქართველოს   განათლებისა   და   მეცნიერების   მინისტრის მოადგილე დავით სონღულაშვილი  – დარგობრივი […].

სიღნაღის მუნიციპალიტეტის მერიის მხარდაჭერით დაიწყო ახალი პროექტი – ახალგაზრდული ღონისძიების ორგანიზება – სიღნაღში. ახალი პროექტი დაიწყო ძალიან საინტერესო შეხვედრით სიღნაღის საგანმანათლებლო სექტორის წარმომადგენლებთან..